٢٠٠٨/٠٥/٠٥

إضراب أمى

يا خبر النهارده إضراب


طبعاُ النهارده يوم ذي الفل الكل مضرب أبى
أولنا وأمي واخواتى ده حتى اخويا أسامه كان مضرب عن الحضانة


جدع وربنا يا أسامه طلعت أحسن من ناس
كتيييييييييير


البيت بصراحة كان روعه


أما أنا بقى كنت نايم في سابع نومه ومالي
كرشي ( إضراب بقى )


ولكن حصل شيء لم يكن في الحسبان


بصينا لقينا التليفون عمال يرن ترررررررن
تررررررررن


ولا كأنه جالوا صرع فجائي


قامت اختى وردت على اسى التليفون اللي صحانى
من أحلاها نومه في حياتي


... مين معا يا


* أنا الأستاذة ( س )
أمك هنا يا رميساء


... آه موجودة


* ادهانى بسرعة


... ماشى حاضر ثواني


... نعم يا أستاه أم
محمد مع حضرتك


* اذيك يا أبله ممكن
تاجي المدرسة الآن دلوخت حالاً


... ليه في إيه


* عاوزينك في المدرسة
بسرعة جداً


... مش هاجي طبعاً


* يعنى ده آخر كلام


... إن شاء الله


....................... واكتمل الحديث هكذا
إلى أن انتهى وطبعاً إن امى مش هتروح المدرسة


يا خبر مش متخيل أنى كنت هصحى بدري كده شكلي
مكتوب عليا الشقي حد يصحى الساعة عشره


في يوم إضراب


وما إن انتهى التليفون ولساه أنا رايح على
الحوض اغسل وشى


ولقينا التليفون جاتلو الحالة تانى


مسك السماعة المرة دي اخويا معاذ بك ضيق
ونرفذه


... أيوه مين معايا


وهدى مره وحده ولا كأنه خد قفا من ظابط امن
دوله


... مين !! المدير


... أيوه سلام عليكم


* أمك هنا يا بنى أنت


... أيوه ثواني هروح
اندهلها


،،،،،،،،


... سلام عليكم


* أهلا وسهلاً يا أبله


* ممكن حضرتك تقولي
أنت مجتيش ألمدرسه ليه النهارده


... حضرتك إن ليا 7
أيام عرضه


* يعنى إيه عارضه


... يعنى أنا غيبه
قانوني


* يا أبله أنت لازم
تاجي المدرسة حالاً


... حالاً يعنى إيه
.......مش هاجي طبعاً !!!


,,,,,


وهدأت موجة الغضب قليلاً


،،،،


* تب حتى أبله عشان
خطري أنا ممكن تاجي المدرسة


.... يا فندم أنا مش
هقرر كلامي


,,,,


وزاد الغضب أقصاه


,,,,


* يا هانم في امن دوله
في المدرسة


_ طبعاً هو تصور إن امى مثلاً يغمى عليها _
بعد الشر طبعاً _


... امن دوله ... طب
وفيها إيه يعنى امن دوله


... ياجو مياجوش ونا
مالي أنا !!!!!!!!!!!!!!!


... أنا مش جايه
المدرسة ومش هقرر كلامي تانى


* إيه الكلام
اللي بتقولي ده


... هو ده آخر كلام عندي


وتقفلت ألسماعه قفله في وش امى سمعتها وأنا
قاعد في الحمام ( مانا لسه في الحمام )


يا خبر شعب جبان ما يختشيش


كان هذا مختصر جداً
جداً لما حدث مع إضراب امى



بصراحة أنا
كنت سعيد جداً أنى شفت مثل هذا الموقف أمام أم عيني


ومن مين من
اقرب الناس ( امى )


عفارم عليك
والله يا امى


٢٠٠٨/٠٥/٠١

4 مايو إضراب عام

هذه تعتبر خطوة جريئة ومريحة من الشعب النائم الذى لا يريد ان يصحو من غفوته هذه برغم ما يتعرض له يومياً ما يجعل الجبال تهتز .. بل يجعلها تتحطم .. وهذه الخطوة ليست عادية بل هى نقطة تحول ممتاذة فى هذا الشعب وفى هذا الوطن الغافل ، ونقطة تحول أيضاً فى هذا النظام الفاسد التى قد تكون محور تغيير وتكون هذا التحولات فى عدة نقاط
أولاً : هذه الخطوة كشرت عن انياب المدونين ومستخدمى الأنترنت ومعرفة ان لهم دور فعال فى الشارع بل فى مصر وأنهم قادرون على فعل ما لا يستطيع فعله عمل وطن خلال 24 عام متواصله من القهر والإستبداد والظلم والفساد من هذه الطائفة الحاكمة الباغية بل وانضم إليهم فطاحلة الآنظمه مثل ( الإخوان المسلمون ) وهذ يدل على التأثير الجذرى لمستخدمى الإنترنت
ثانياً : لا ينكر أحد -من المنصفيين- أن الإخوان هدفهم الرئيسى الإصلاح والإعتراض على الظلم فهم الأكثر إلتحاما بالشارع والناس ومشاكلهم ولكن هذا الحجم الضخم للجماعة يدعوا أحيانا إلى إتخاذ قرارات إحترازية حتى يحافظوا على هذا الكيان من التفكك فنحن نعتبر أن الإخوان فى حد ذاتهم أملا فى مواجهة هذا النظام ولذا يعتبر من أهداف الجماعة الحفاظ على هذا الكيان.فرؤية نموذج ناجح وضغط الرأى العام ومطالب الشباب والشورى والحس الأمنى تعتبر المتغييرات التى يبنى عليها متخذى القرار داخل الجماعة قراراهم ولإتساع هذه المتغييرات يلجأ متخذ القرار إلى الحرص فى البداية وهو سلوك طبيعى لجماعة ضخمة كجماعة الإخوان إلى أن تأتى الفرصة وعادة ما يكون للإخوان اليد العليا بعد ذلك وبالتالى يدفع فيها الإخوان الفاتورة كاملة ويتكرر سيناريو مظاهرات الإصلاح التى قام بها الإخوان 2005والتى كانت شرارتها حركة كفاية التى نزلت للشارع وكسرت هذا الهاجس لدى الجميع وبالقياس نجد أن شباب الإنترنت والفيس بوك والعمال كانوا الشرارة الكبيرة والناجحة فى عملية الإضرابات فى قيامهم لإضراب 6 إبريل ثم بعد ذلك يعلن الإخوان المشاركة فى إضراب 4 مايو وهذا هى الخطوة الممتاذة فى الجماعة تخبرنا ان هناك تغيير واضح فى رؤية الجماعة
ثالثاً : بعد أولاً مظاهرات الأصلاح الكثيرة من قبل جماعة الإخوان ثم بعد اضرابات المحلة وما تلاها من الإضرابات المكثفة التى لم تتوقعها الحكومة فى يوم من الأيام ثم تلا إضراب السادس من إبريل ونجاحه الواضح .... هذه التحركات إن دلت فإنما تدل على ان هذا الشعب قد بدأ يزيد وعيه وبداً يفيق من غيبوبته التى قد طالت سنوات عديدة وأنا اتوقع انه بعد هذا الإضراب الذى فى الرابع من مايو والذى سوف ينجح بأمر الله ان هناك تحركات ضحلة ثم تتم بالفعل تخرب فى هذا النظام تظراً للخطوات السريعة التى قد تمت بالفعل
أما فى إختيار اليوم نفسه - يوم ميلاد الرئيس - والذى يمثل إعتراضا صريحا على شخصه إختيار موفق جداً جداً
وفى النهاية انا سوف اضرب فى الرابع من مايو وأدعوكم على الإضراب من أجل مصر

٢٠٠٧/١٢/١٧

أبى
.
.
حسبك الله والله خير محتسب
.
من ذكرك اياه جفت اجفانك الوسن
.
تخفى لواعجك والشوق يفضحك
.
للدعوة سواء فى السر او العلن
.
يا شرفاه يافخرى بك والد
.
وفؤدى مثلك بين الحديد مرتهن
.
وأرق العين والظلماء منتشرة
.
حمامة قد شفها ـ إذ شفك سجن
.
يا فرحتك تجالس اقواماً تحبهم
.
كنت وكانو على عهد وقد وفو
.
ونحن حافظون عهوداً لا نضيعها
.
نحن الكرام بحفظ العهد نعرفوا
.
لقد اقترب العيد يا والدى
.
من غيرك لا أعرف كيف اذهب
.
إن كان عادهم عيد فرب فتى
.
بالشوق قد عاده من ذكرك حزن
.
بعدتنى الليالى عن من احببته
.
فظللت انشد مما جنى الذمن
.
اغالب فيك الشوق والشوق اغلب
.
وأطلب من الوصول والنجم اقرب
.
حياتى وموتى بين يديك وأننى
.
اموت وأحيا حين ترضى وتغضب
.
وتلك رسالة إليكم يا أخوتى
.
منى اليكم فى السجن ابعث
.
استنصروا الدين بكم واستقدموا
.
فإنكم إن تسلموا الإسلام يسلمو
.
لا تسلموا الإسلام يا أخواننا
.
وأسرجو النصر وألجموا
.
نادت عليكم مصر منشدة
.
برحم الدين ونعم الرحم
.
.
مقتبسه من اشعار ( العصر الأندلسى )

٢٠٠٧/١١/٢٧

لماذا كل هذا ؟؟؟؟



فى عصر يوم الثلاثاء 27/نوفمبر / 2007 اتصل إتصال مجهول مصدره الى منذلنا حتى

يخبرنا بأن ابى ( أ عمر يوسف ) الآن بين اسوار الأمن . . ولكنا لم نفزع او نهيج بالبكاء

لأن الإعتقال اصبح عند الإخوان شئ معتاد عليه كمثل الطعام والشراب وجلسنا والحزن

يملئ علينا المكان حتى اذن لصلاة صلاة المغرب ، ذهبت لأصلى وقد صليت بحمد الله وانا

الآن اختم الصلاة وإذ بواحد من خلفى يأتى مسرعاً مفزعاً ( الحق.. الحق الظباط اللى فى

الدنيا كلها عندكم ) ذهبت مهرعاً الى بيتنا وإذ بالشارع وكأنه سوق كبير والكل نظراته

تلاحقنى فى استعطاف.....

وها هو البيت امام عينى ...

واصبح بيتنا مسرح كبير وحوله الجماهير من كل مكان ينظرون ( فرح ) دخلت ا

ويا ليتنى ما دخلت البيت

كان ملغم بالبشر فى كل مكان


( غفر.. ظباط .. والى ما ذلك نت الزبانية الكلاب )


دخلت ببطئ لقد وقعت عينى على غرفة الجلوس ورأيتها .. انها ليست غرفة بيتنا التى اعرفها انا انها غرفة معكربة من اولها الى أخرها المكتبه : ( الكتب كلها ملقاة على الأرض ) المكتب : (الأدراج , الأوراق , حتى فاظة الزهور ، ازازة الريحه "" كل منهما فى مكان """ على الأرض , على المكتب , فوق المكتبه ) الغرفة وكأن صاحبها احد الأثنين أو كلاهما اما المسؤل عن تفجيرات الحادى عشر من سبتمبر او المسؤل عن مقتل السادات :: والله اعلم :: هذه غرفة الجلوس مثلها تماماً البقية غرفة نوم ، صالة ، حتى غرفتى , والحمام ايضاً قد نال قسطاُ من هذا ، وأيضاً لم ينسوا المطبخ ، كل مكان فى المنزل دون استثناء هكذا استمر التفتيش وبعد دون ذهبوا بغير لاسلام ولا امان سألت اختى ( هما عملوا حاجة وانا بره ) نشفت دموعها وقالت ( انا كنت جوه فسمعت الباب بيتفتح جريت وقلت مين وفجأة شفت رجل ولا اوماجا طول فى عرض قلتله : انتو مين وعاوزين ايه رد قال : انت اسكتى خالص سسسسسس مش عاوز اسمع نفس واحد خليك مكانك ووعى تتحركى , اتخشبت مكانى ومتحركتش لحد مغار ) كان هذا النص بالتفصيل


اعتقال 25 من إخوان الفيوم من بينهم مسئول المكتب الإداري بالمحافظة


اعتقلت أجهزة الأمن المصرية بمحافظة الفيوم 25 من الإخوان المسلمين بالمحافظة من بينهم الدكتور أحمد عبد الرحمن- مسئول المكتب الإداري للإخوان بالمحافظة، ومدير مستشفى مكة- أثناء مشاركتهم في لقاءٍ على الغداء في منزل الدكتور طه عبد التواب بمناسبة افتتاح مركزه الخاص للعلاج الطبيعي.

ومن بين المعتقلين الحاج عثمان دياب (مرشح الإخوان في انتخابات مجلس الشورى)، وعمر يوسف (المدير الإداري بنقابة أطباء الفيوم) { أبى }، ومختار محمد كامل (مصاب بفشل كلوي ويحتاج إلى غسيل متكرر)، ورمضان أبو زيد (مدرس مساعد بكلية الزراعة)، ود. أحمد محسن (طبيب بشري)، وعمرو أيوب (صاحب محل كمبيوتر)، وقد قامت قوات الأمن بتفتيش محله وقاموا بالاستيلاء على 7 أجهزة كمبيوتر وكل أجهزة الألعاب الإلكترونية، وعلي محمد عبد ربه (موظف)، وعاشور محمد جودة (محامٍ)، وعلي صابر (محامٍ)، ومحمد عبد الله عبد السلام (محامٍ)، ومحمد ربيع (محامٍ)، وشعبان رجب (موظف بضرائب أبشواي)، ومحمود سيد (موظف بشركة الملاحات)، وأحمد علي (أعمال حرة)، ومحمد إبراهيم (محاسب)، وعلي عبد الباري (مدرس ابتدائي)، وأحمد محمد قذافي (محاسب)، وبهيج عبد المنعم (رجل أعمال)، وخليفة عبيد ـ مدرس ـ وحسين محمد عباس وسيد عطية وأحمد عبد السلام عبد المجيد.

وقد قامت قوات أمن الدولة بعد القبض عليهم بترحيلهم إلى مركز شرطة سنورس، كما قاموا بحملة مداهماتٍ واسعة على منازلهم وقاموا بتفتيشها تفتيشًا دقيقًا، وما زالت حملة المداهمات مستمرةً حتى كتابة هذه السطور.

وقد قام مركز شرطة سنورس بإجراءاتٍ أمنية مشددة منذ وصول المقبوض عليهم؛ حيث شددت الحراسة حول المركز ومنعوا دخول المواطنين، كما تم سحب الكارنيهات من المحامين الذين ذهبوا للدفاع عنهم واستطلاع الأمر.

٢٠٠٧/١١/٠٥

حينما زارنا وزيرنا ..

زار الوزير المؤتمن

بعض جامعات الوطن

وحينما زارنا

قال لنا..

هاتو شكواكم بصدق

فى العلن

ولا تخافوا احد

فقد مضى ذاك الذمن

فقام صاحبى

يا سيدى

اين الرغيف واللبن؟؟

واين تأمين السكن؟؟

....وأين من يوفر الدواء

للفقير دونما ثمن؟؟

.....


فقال الوزير فى حزن

احرق ربى جسدى

اكل هذا حاصل فى جامعاتى

شكراً لصدقك على تنيهنا يا ولدى

سوف ترى الخير غداً

.....


ولكن الذى حصل

ان صديقنا لم يلقى..

ما حصل

..........................

ولكن
.
.


صديقنا الآن

فى

المعتقل
.
.
.
.
.
إهداء الى : أخى وحبيبى ( محمد مصطفى ) فى محبسه


٢٠٠٧/١٠/١٦

عبد الرحمن حر




فى صبيحة يوم عيد والناس فى فرحه وبهحه بعد خروجهم من شهر رمضان وفرحهم بحلول عيد الفطر المبارك


كان الكل يتبادل التهانى من الآخر ( كل عام وانت بخير ) ( كل سنه وانت طيب ) ( عيد سعيد ) ولكن بالنسبة للشاب الفارس ( عبد الرحمن فارس ) لم يتلقى التهانى هكذا بل وفى يوم الفرح الأكبر يوم العيد بل وفى صباح هذا اليوم فى تمام الساعة السادسة والربع قامت كلاب امن الدولة بتهنئة عبدالرحمن وذلك بالقبض عليه من منذله وذلك بسبب نشاطات عبدالرحمن على شبكة الإنترنت حيث يشترك فى العديد من المنتديات وصاحب المدونة الجريئة ( لسانى هو القلم ) وذلك كما ذكر اخوه ولكن كانت التهمه الملفقه له فى ملف امن الدوله الترويج لافكار جماعه محظوره كما ذكر لى عبد الرحمن ولكن الغريب انى عندما سألته عن سبب اعتقاله قال لى جمله غريبه وهى بالنص ’والله مش فاكر تهمه واحده بالظبط لانهم كانو كتير ’وهذا يجعل لسان الحال يقول بيلفقوا تهم وخلاص


وأيضاً يذكر أن عبدالرحمن قام بحملة تعالوا نراقبهم زى مابيراقبونا وهى خاصة بعرض معلومات عن كلاب أمن الدولة بالفيوم عن أسمائهم والملفات المسؤلين عنها ومعلومات شخصية عنهم وغير ذلك من المعلومات


وبحمد الله تعالى قد وصل عبد الرحمن الى منذله فى يوم لاثنين 15/10/2007 وقت اذان العصر وذلك بعداحتجاز دام من صبيحة يوم العيد حتى هذا اليوم


ولم يتمكن حتى عبد الرحمن من قضاء صلاة العيد وذلك لأن الشاب قد أخذوه من على بوابة المصلى ويقول عبد الرحمن فى مدونته ’ بس اكتر حاجه مفرحاني بجد هو كمية الحب الي لقيتها في كل الناس الي كتبت عني وتضامنت معايا مع ان ’ فيه كتيييييييييييييير اوي منهم معرفهوش


وهذا يثبت قوله تعالى ( ويمكرون ويمكر الله والله خير الماكرين ). صدق الله العظيم


٢٠٠٧/٠٩/٢١

واقعة تعذيب جديدة حتى الموت بالفيوم



واقعة تعذيب جديدة حتى الموت بالفيوم

توفي أول أمس الأربعاء 19/9/2007 في محافظة الفيوم متأثرا بجراحه أحد ضحايا التعذيب الذي تمارسه الشرطة المصرية بلا هوادة على أبناء الشعب المصري دون أي مراعاة لحقوق الإنسان وكرامته تحت مظلة القهر والاستبداد
حاول حميدو بشهامة المصري أن ينقذ مستغيثا تعرض لاعتداء بالضرب من مجموعة رجال يرتدون الزي المدني فكانت هذه جريمته التي استحق عليها الضرب والتعذيب حتى الموت
ففي تمام الساعة الرابعة عصر يوم السبت الموافق 1-9-2007 وقف محمد جمعه حسن الدهشوري الشهير بحميدو في محل عمله بكيمان فارس فشاهد رجلا يستقل دراجة بخارية يستغيث من رجال يطاردونه فتدخل حميدو لإنقاذ الرجل فنالته بعض اللكمات التي أصابت عينه وسمع صوتا يقول : ملكش دعوة انت
وبعد ساعة من انتهاء المشاجرة فوجئ حميدو برجال الشرطة يقبضون عليه ويذهبون به إلى قسم الشرطة ليجد نفسه في المستشفى مصابا بارتجاج في المخ ونزيف داخلي وتهتك بالكبد والطحال.
ظل حميدو قرابة عشرين يوما يعاني من آثار التعذيب الذي تعرض له في قسم الشرطة على يد الضباط والمخبرين كما تعرض خلالها لضغوط عضو مجلس شعب سابق ليتنازل عن حقه إلى أن مات تاركا أطفاله الثلاثة محمود 15 عام وياسمين 13 عام وشريف 4 أعوام ( عنده صمام في المخ) لتستمر محاولات العضو السابق إرضاء أهل القتيل بإعطائهم خمسون ألف جنيه)50000 زادت إلى مائة ألف جنيه 1000000 مع تحمل كافة مصروفات العلاج ولكن أهل القتيل رفضوا
تقدم أهل القتيل ببلاغ ضد كل من ضابط المباحث/ أسامة جمعة رئيس مباحث قسم الفيوم والضابط / معتز عبد المنجي.
وفى مساء يوم 21 /9 2007 عرضو على اهل هذا المظلوم مبلغ بقيمة ( مليون جنيه ) و ( عشرة فدادين من الأرض الطين تمليكاً ) مقابل ان يصمتوا وان يتنازلون عن ما يحصل ولكن اهل القتيل رفضو تماماً ومع العلم ان مصورين قناة الجزيرة سوف يحضرو فى الغد ان شاء الله لحضور جنازة هذا البرئ المظلوم
وحسبنا الله ونعم الوكيل
وانتظرو بقية الحدث

٢٠٠٧/٠٧/٣١

حوار مع صاحب المدونة

ممكن تعرفنا بحضرتك؟؟
أخوكم / احمد
طالب / فى الصف الثانى الثانوى
من / محافظة الفيوم
عمرى / 15 سنة
مسلم الهوية
اخوانى
*******************************
منذ متى وانت فى الإخوان ؟؟؟
بصراحة انا معرفش
بس والله اعلم قبل ان اولد
******************************
هنتكلم مع بعضنا شوية فى الحب
اكتر 5 شخصيات بتحبهم؟؟؟
ـ محمد صلى الله عليه وسلم
ـ ثم امى العزيزة
ـ ابى الحبيب
ـ اخوتى الأعزاء
ـ صديقى العزيز ( احمد امين ) .5
**********************************
بتحب مصر ؟
سؤال مش محتاج اجابة
د حب مالهوش اول من آخر
ومقدرش اعبر عنه بأى شئ
**********************************
بتحب البنات ؟
طبيعى خالص
وإلا مبقاش راجل ولا ايه
بس عامة بقلق من التعامل معهن لأنهن ببساطة شديدة القوارير والقوارير سهل جدا ان تنكسر وبجد لو انكسرت مش هتنكسر الا على دماغى انا
ومنهم بصارحة ذى ماقال المثل ( بمية راجل ) واكتر كمان
ومكدبش عليكم
بخاف منهم قوى
*********************************************
اكتر حاجة بتحبها فى حياتك ؟
بالنسبة لحاتى كدنيا وآخرة
لا يوجد الا
لا اله الا الله
محمد رسول الله
*******************************************
ايه الإمنية اللى بتدعى انها تحقق ؟
والله هيا امانى بس
اولها : ان يرضى الله عنى
ثانيها : ان يرضى ابى وأمى عنى
ثالثها : ان ادخل كلية حاسبات
************************
ايه هى هويتك ؟
هى حاجة انا مبعتبرهاش هواية
لأنها عندى اكتر من هواية
( الكمبيوتر )
ثم القاء الشعر
وكتابته
**************************
اكتر آلة بتحبها ؟
معزوفتى المفضلة الكيبورد
************************
مين اكتر شخصية متقدرش تستغنى عنها ؟
ابى وأمى
اخى احمد امين
************************
ممكن تقولنا ليه ؟
ابى وأمى __ هما شريان حياتى
احمد امين ___ .......
*************************
هل انت سعيد ؟
طبعاً
الحمد لله
*************************
كيف تعلمت الكمبيوتر ؟
فى البداية احب انوه على شئ
انا لم أخذ دورة فى حياتى
.
.
فى البداية ابى الله يكرمه شرى لنا الكمبيوتر وأنا فى الصف الأول الأعدادى
ومكنتش حتى بعرف افتحه او اقفله
بس سبحان الله انا بحب الكمبيوتر
حاجة من عند ربنا
اتعلمت الكمبيوتر وندوز اوفس وكل الأساسيات بفضل الله اولاً ثم بإرشادات أبى
ثم عرضنى ابى على الشركةة الوطنية للحاسبات فقبلونى للعمل فى الشركة
وفيها تعلمت فعلاً الكمبيوتر سوفت وير وهارد وير صيانة وجرفكس فوتو شوب وفلاش
وعند دخولى المرحلة الثانوية لم يوافق ابى لذهابى للشركة نظراً للمرحلة الثانوية
طبعاً زعلت قوى
بس الله يحفظه
عوضنى
بالDsl
************************************
من اللى علمك تعمل المدونة ؟
فى الأول
دكتور/ احمد
ثم اخى الفاضل / احمد سعد دومة
علمنى كل حاجة فى عمل المدونات
................................................................
شكراً
والسلام مسك الختام
والسلام عليكم ورحمة الله وبركاته

البيان التأسيسي للحملة::..


بسم الله الرحمن الرحيم
الحمد لله والصلاة والسلام على سيدنا محمد إمام المجاهدين وقائد الغر المحجّلين وعلى آله وصحبه ومن سار على هديه الى يوم الدين .." أعظم الجهاد عند الله كلمة حق عن سلطان جائر "صراع كان ولازال مستمراً ..وسيظل إلى يوم الدين ..إنه صراع البقاء بين الحق والباطل
باطل..بجنوده وجبروته ومؤسساته ومنظماته ووزاراته وأنظمته،وكذلك سجونه ومعتقلاته.وحق... له جنوده أيضاً والمدافعين عنه ورافعي رايته ولوائه ،وشجرة الحق لن تقوم إلا إذا رويناها بعرقنا ودمائنا....وأقمناها بسنون عجاف في السجون والمعتقلات، وشددنا عليها بثورتنا ورفضنا لكل ما هو فاسد وظالم .لا للظلم والطغيان والفساد.. ارفعوا هذه الراية عالية خفاقة وعملوا .. لا تكتفوابالشعارات والهتافات ولكنهم ضحّوا بحرياتكم وأمنكم لتطهّروا الأرض من الفاسدين.. وإن كان مصيركم بين جدران أربع في غياهب سجون الطاغية...إلا أنكمـ ستشعلون للحق شمعة..تضيء الطريق لمن بعدكمـ فيصلون بإذن الله وفضله.اعتقد النظام أنه سيطفئ جذوة الحق والعدل في نفوس هذا الشعب الأبي.. ولم يدرِ أنه بسجونه وتعذيبه وإهانته يثبت قلوبهم ويكون سبباً في انفجار ثوراتهم التي تصبح بركاناً تأكل أول ما تأكل "هذا النظام برمته" ..فيطويه النسيان حتماً-إلا أن يذكر بكل كره ولعنة ...لما تركه في النفوس من ألم ومرارة ..بأفعاله التي تعدت الحدود ،وفاقت التصورات،وكأننا نتعامل مع مجموعة من المتخلفين الجاهلين .وأقل ما يمكن أن نقوم به تجاه هؤلاء الشرذمة المتخلفة الفاشلة.. هو فضحهم ورفضهم وإسقاط اللعنات فوق رؤوسهم ،لتظل في الذاكرة صورتهم مشوهة بفسادها وجورها .من هنا .. آثرنا أن نطلق حملة " المليون وجه وتوقيع ضد نظام مبارك" إعلاناً لرفضنا لهذا النظام الفاشل.. وعهداً أن نبقى أوفياءلهذا الحق..آملين من شعبنا الكريم ...بجميع فئاته وأعماره أن يشاركنا من أجل مصلحة هذا الوطن ..فلنقولها معاً وبأعلى صوتنا :لا لنظام مبارك...لا لنظام مبارك ..لا
لنظام مباركوالله تعالى ولي التوفيق ؛حملة المليون وجه ضد نظام مبارك

كلنا كرهينك يا ريس


الحمد لله والصلاة والسلام على سيدنا محمد إمام المجاهدين وقائد الغر المحجّلين وعلى آله وصحبه ومن سار على هديه الى يوم الدين

تتشرف مدونة
جعلونى مجرماً


للإنضمام الى حملة المليون وجه ضد مبارك



كما اتشرف انا
احمد عمر يوسف


للأنضمام الى حملة المليون وجه ضد مبارك






٢٠٠٧/٠٧/٣٠

ليه احنا اللى مجرمين

بسم الله الرحمن الرحيم
يسعدنى انا خوكم / احمد عمر يوسف حامد
ان اقدم لكم مدونتى
جعلونى مجرماً
والتى هى تحكى قصة واقعنا الحالى التى اصبح فيها الشريف الطاهر هو المجرم
والمجرم اصبح شريفاً محافظاً على اموال البلد
فإذ بأنا مجرم وأبى مجرم وأخى مجرماً ومعلمى مجرماً وكل اصحابى مجرمين
وإذ بسارق بيتى هو الشريف ناهب اموالى هو الشريف وماص دمائنا هو الشريف